संयुक्त जनआन्दोलन समितिले काठमाडौं उपत्यका बन्दको कार्यक्रम फिर्ता लिएको छ । समितिले आजका लागि तय गरेको काठमाडौं उपत्यका बन्दको कार्यक्रम फिर्ता लिएको हो ।
हिजो प्रर्दशनको क्रममा कमल थापा, दीपक सिंहलगायत नेताहरु पक्राउ परेसँगै ती व्यक्ति छोड्न माग गर्दै समितिले बन्दको घोषणा गरेको थियो ।
बिज्ञापन
हिजो दिँउसो कमल थापालाई प्रहरीले ‘झ्याल्टुङच्याइँ’ बनाउँदै नियन्त्रणमा लिएको थियो । तर नेता तथा कार्यकर्ताहरु रिहाइ भए लगतै राप्रपाले बन्दको कार्यक्रम फिर्ता लिएको छ ।
बिज्ञापन
आइतबारको प्रदर्शनमा सरकारको तर्फबाट भएको दमन र नेता कार्यकर्ताहरूको पक्राउलाई लिएर उपत्यका बन्दको प्रसङ्ग उठे पनि, पक्राउ परेका सबै जना रिहा भइसकेकाले आज हुने भनिएको उपत्यका बन्दको कार्यक्रममा राप्रपाको सहभागिता नरहने अध्यक्ष राजेन्द्र लिङ्देनले स्पष्ट पारेका छन्।
उता जनआन्दोलन समितिका संयोजक नवराज सुवेदीले आजको बन्द फिर्ता लिएको जनाइसकेका छन् । “जेठ १८ गते प्रदर्शनको क्रममा हिरासतमा लिइएका हाम्रा सबै साथीहरू रिहा भइसकेको अवस्था मध्यनजर गर्दै जेठ १९ गतेलाई तोकिएको उपत्यका बन्दको कार्यक्रम फिर्ता लिएको जानकारी गराइन्छ,” नवराज सुवेदी नेतृत्वको संयुक्त जनआन्दोलन समितिले विज्ञप्ति जारी गर्दै भनेको छ ।
बिज्ञापन
संयुक्त जनआन्दोलन समितिले गत १५ जेठदेखि आन्दोलन गरिरहेको छ ।
राजावादीहरुको बन्द फिर्ता लिएको भए पनि यातायात व्यवसायीको आजदेखि अनिश्चितकालीन यातायात बन्द गरेका छन् । ‘सार्वजनिक यातायात बचाउ केन्द्रीय संघर्ष समिति’को आह्वानमा सोमबारदेखि देशभरका सार्वजनिक यातायात ग्यारेजमै थन्क्याएर बस्ने निर्णय गरेको छ ।
